Handmálaðir púðar

November 11th, 2010 → 9:27 am @ kolla

4


Handmálaðir púðar

Ynjur huga að  jólagjöfum.

Það er aldrei  verra að þær séu handgerðar frá hjartanu en jafnframt ekki of flóknar í framkvæmd.

Hér er hugmynd sem býður upp á óendanlega skreytimöguleika og hentar öllum aldurshópum.

Þú þarft:

Tautúss (við notuðum Artline 750 fatatúss sem fæst  í flestum  bókabúðum).

Taumálning ( Deka fabric paint og fæst í Litir og föndur)

Bómullarefni ( þetta fékkst í Rúmfatalagernum)

Skæri

Nál og tvinna eða saumavél

Púðafyllir

Aðferð :

  • Klipptu efnið í stærð og form að eigin vali.
  • Byrjaðu á að teikna myndina eða mynstrið á efnið með blýanti nema þú hafir þeim mun meira sjálfstraust. Munið að gera ráð fyrir saumunum þegar þið teiknið.
  • Strikaðu ofan í útlínurnar með fatatússinu.
  • Málaðu ofan í myndina með taumálningunni.
  • Láttu hana þorna og málaðu jafnvel á bakstykkið líka til þess að gefa púðanum aukið notagildi.
  • Straujið myndirnar á röngunni til þess að festa málninguna og þá þolir púðinn  þvott að 40 gráðum.
  • Leggið stykkin saman réttu á móti réttu og saumið saman fyrir utan smá gat til þess að setja fyllinguna inn í púðann.
  • Snúið púðaverinu við og saumið fyrir gatið.

Myndir og texti: Kolfinna Mjöll Ásgeirsdóttir