Það muna flestir eftir smáhlutahillunum klassísku þar sem uppáhalds gullunum var raðað til að gleðja augað.

Mig dreymdi alltaf um svona hillu, þangað til um daginn að ég rambaði á eina í Kolaportinu og ákvað að gefa henni yfirhalningu.

Þú þarft:

Málningu í lit að eigin vali (ég notaði Flugger prufudós í lit nr. 13218)

Pensil

Límlakk

Pappír (gjafapappír í þessu tilfelli en það er hægt að nota nánast hvernig pappír sem er, dagblöð,glanstímarit,teiknimyndablöð)

Aðferð:

Hillan er þrifin, þurrkuð og síðan máluð. Ég sleppti því að mála kassana sem ég ætlaði að líma myndir inn í.

Pappírinn er sniðinn eftir hillunum.

Límlakk er borið á hillurnar og pappírnum komið fyrir.

Að lokum er uppáhalds fígúrunum raðað á nýja heimilið sitt.

Draumar geta ræst*

Myndir og texti: Kolfinna Mjöll Ásgeirsdóttir