Það er óþarfi að hlaupa til og kaupa ný jólaföt frá toppi til táar á hverju ári. Fagurt hárband getur breytt ásynd þinni svo um munar.

Hér snúa Ynjur á jólaköttinn og útbúa hárskraut úr silkiborðum.

Þú þarft:

Silkiborða í litum að eigin vali.

Nál og tvinna.

Hárband.

Tölu eða blúndu til skrauts.

Aðferð:

Brjótið silkibandið saman í hálfgert blóm og saumið í höndunum eða í saumavél (það gæti reyndar reynst erfitt að sauma það í saumavél þar sem blómið er svolítið þykkt svona samanbrotið)

Búið til annað blóm í öðrum lit eða látið eitt duga.

Skreytið með blúndu eða tölu sem er saumuð á í höndunum.

Að lokum er skrautið fest á hárbandið.

Myndir og texti: Kolfinna Mjöll Ásgeirsdóttir