Það er ástæðulaust að örvænta þó að blómin sölni þegar haustið læðist yfir í allri sinni dýrð.
Þá er einmitt tilvalið að útbúa eilífðarblóm sem gleðja allan ársins hring og gera úr því notlega föndurstund.
Þú þarft:
græn rör (að sjálfsögðu geta stilkarnir verið í hvaða lit sem er)
litríka plastpoka, pappír eða efni að eigin vali
heftara
Aðferð:
- Klippið pokana í hringi, kassa eða blómaform.
- Leggið formin saman tvö og tvö, klípið saman og snúið upp á þau í miðju.
- Þá ættu þau að mynda einskonar kramarhús.
- Stingið kramarhúsinu ofan í rörið og heftið það fast.
- Klippið stilkana til.
- Skreytið umhverfi ykkar og gleðjist.
-
Myndir og texti: Kolfinna Mjöll Ásgeirsdóttir
Harpa Rut
1 Ár síðan
Nú langar mig að grípa til snillingshugtaksins af því þetta er náttúrulega alger snilld. Þar sem það er eiginlega ofnotað nú um stundir og búið að tapa merkingu sinni þá segi ég bara að þú ert fyrirmyndar gleðigjafi á svo einstaklega einfaldan og skemmtilegan hátt að ég skil ekki af hverju það er ekki búið að stofna aðdáendaklúbb.
P.s. nú held ég þurfi að fara að fá þig hingað í skólann.
kolla
1 Ár síðan
Kærar þakkir fyrir þessi fögru orð*
Þú hóar svo bara í mig í skólastofuna og ég mæti með læti.